Ang pulong pamahid dunay kalambigitan sa root word nga pahid o hidhid. Ginamit ang dangog nga likido alang sa kaayohan ug kahupayan.
Sa laing bahin, ang pulong pahid ug pamahid mamahimong dunay kalambigitan sa paglimpiyo sa kaugalingon gikan sa bisan unsang mahugaw nga reputasyon aron ang maong kahugaw ipahid ngadto sa uban.
Dauton ang personahe aron mogawas ka nga maayo batok sa imong gidaut. Ug kini ang nahitabo karong mga panahona sa atong taliabot nga piniliay. Ug kun ugaling magkagubot mamahimong makalolooy ang Pilipinas.
Dunay pamahid nga bunga sa projection sa usa ka tawo. Ang hinungdan mao man ang insecurity. Tungod kay dili man makahimo nan, dauton ang excellent nga lumilihok aron pagluwas sa kaugalingong kahuyangan. Sa maong paagi makapadayon paglihok ang usa ka tawo nga dili gyud unta kwalipikado kun ugaling mapapas ang giisip nilang babag sa ilang tumong ug tuyo. Lisud labina kun ang mga kaugalingon lamang ang ilang gitan-aw.
Unsaon na ang panginahanglan sa kinabag-an.
Sa ato pa mahimong manikasay ang uban tungod kay maoy imong gisilsil sa imong dumadapig ug sa kinabag-an nga kadto sila tikas an. Sa laing bahin, mahimong dikrekta mente ang paghukom sa usa ka tawo sibo sa factual nga ebidensiya. Ning paagiha dili na kini akusasyon kondili paghukom sibo sa gipakitang kamatuoran.
Angayan kitang magmaigmaton. Tinuod kinahanglan natong mamahimong tigpaliwala sa bisan unsang krisis nga mahitabo isip simbahan ug katawhan sa Dios apan kun ang kaayohan ug kaugmaon sa nasud ang nanginahanglan, angayan lamang nga magtambayayong kita sa pagkab-ot niini. Daghan ang pagan kun ang tugotan nato ang mga dautan.