Nigawas usa ka gabii niana si Mrs. Mary Johnson kuyog sa iyang bana aron mag dinner out. Dunay bata nga niduol kanila ug nagpakitabang. Ang bana ni Mary pwerteng sukoa kini tungod kay kun buot hunahunaon naglisud gyud sila tungod sa daghang mga balayranan. Apan wa gyud makaagwanta si Mary iyang gihatag ang kwarta nga pangbayad niya unta sa ilang abang sa balay.
Gani, iyang gihatag pa ang iyang kwentas ngadto sa batang lalaki. Iya kining giingnan nga kun ugaling ang maong bata moasenso na sa iyang kinabuhi unta dili niya himoong pakyason ang pagtabang sa uban. Ang bata nagkanayon nga iya gyud kining himoon, gani nisaad pa siya niini.
Paglabay sa daghang katuigan si Mary tigulang na kaayo., Ug nag-inusara na lang sa iyang kinabuhi. Wala madugay niabot ang panahon nga siya nabangkarota ug sa maong pagkabangkarota wala na siya’y mahimo pa. Niabot ang panahon nga dunay sheriff nga niadto sa iyang pinuy-anan aron hatagan siya og og notisya niini nga i-foreclose na ang maong propedad. Igo lang unta sa pagpatulo sa iyang luha si Mary sa dihang niabot ang buyer sa iyang balay.
Ang maong buyer mao diay kadtong bata nga iyang gitabangan dugay nang mga katuigan ang nilabay. Walay laing nahimo si Mary gawas sa paggakos sa maong tawo nga sa hataas nga panahon ang nitipig sa nindot nga pagtulon-an nga iyang gitisok sa alimpatakan niini. Adunay mga butang makutlo nato ning maong sugilanon:
1. Una ang pagkamanggihatagon, baslan usab og panalangin. Mahimong di dayon nato makita ang resulta niini, apan sa maong kahimtang, mas nindot pamation nga kita nakahimo og kaayo alang sa uban.
2. Dili excuse ang kalisud aron kita mopaambit sa bisan unsa nga atong nahuptan. Ang pagpaambit niini Ang maong pagpaambit pagpakita lamang sa atong dakong pagpasalamat tungod sa mga grasya nga atong nadawat.
3. Ang mga tawo nga atong nabuhatan og maayo bisan pa man sa mga higayon nga dunay uban kanila nga dili na gani magtagad kanato ang mahimong makahunahuna ra sa gihapon kanato sa tukmang panahon. Imbis nakahatag kita kanila og discouragement, gihatag nato nila ang atong pagdasig ug gitudloan nato sila nga ang bugtong paagi sa pagbayad sa bisan unsang maayo nga atong nadawat mao man ang pagtabang usab sa uban. Ning paagiha mamahimong mas makahuloganon ang atong pagpuyo ning kalibutan.
Matud pa sa panultihon, blessed are the cheerful giver! ug ning paagiha nahimong mas gaan ang atong panaw padulong sa kaluwasang tunhay.
Duna bitaw to’y buta nga taga Tabuelan ni-post sa Facebook nga bisan pa man sa iyang nasinating pagkabuta padayon gihapon siyang nagpasalamat kay ang iyang pagkabuta wala man mahimong babag nga siya makahatag og kalipay ug inspirasyon sa uban.
Mao nga si Irene Abanid padayong nihatag sa iyang kaugalingon diha sa pag-alagad sa parokya ingon nga lektor. Dulom man tuod ang iyang panan-aw apan dili ang iyang panglantaw.