Dali ra gyud ang panahon. Dili madugay mahimong mawala na pud ako sa akong nahimutangan kini tungod kay ang tanan lumalabay lamang. Apan sulod sa hapit ka upat ka mga katuigan ako nakaamgo ning mosunod:
1. Ang kahagip-ot ug kalisud sa kinabuhi maoy nakapahimo sa usa ka tawo nga creative. Kay diha sa kawalay kapaingnan kinahanglan kita manlimbasog aron magamit ang bisan unsa nga anaa.
2. Matag adlaw kahigayonan sa pagpaningkamot. Way luna ang pagtapol taliwala sa stressful nga kinabuhi kay ang pagkatapulan maoy makapahimo sa momentum nga luya.
3. Pagsalig sa Diosnong Pag-amoma. Dili mahitabo nga biyaan sa Dios ang iyang mga gipangga. Mohatag gyud siya sa iyang piniling mga panalangin. Matud pa, God works in mysterious ways matud pa. Ning paagiha nahimong nakita nimo ang imong kakuwangan atubangan sa Dios. Ug kun ang Dios maoy mohatag iyang ihatag ang iyang best sa kanunay.
4. Ang pagkamanggihatagon mobunga og pagkamanggihatagon. Pakapini kini og kalipay kay diha sa paggahin dili lang sa bahandi apan sa panahon usab makita nimo ang imong hinagoan ingon nga labor of love. Ayaw paghunahuna og balos sa tanang kaayo nga imong nahimo ngadto sa uban.
5. Ayaw ka attach sa bisan unsa nga imong napondar kay sila mamahimong babag sa laing panaw sa imong kinabuhi. Hangopa ang bag-ong hugna sa kinabuhi ug himoang kabahin sa mga maayong kasinatian ang imong kagahapon.
6. Diha sa pagbuhat og bisan unsa ihatag ang imong best aron sa ingon dili ikaw magmahay ug dili ka kamahayan sa imong isigkaingon.
7. Ang mahinungdanon mao nga diha sa imong kinabuhi isipa ang matag kalisdanan ingon nga kahigayonan sa paglambo. Busa ayaw kahadlok sa kalisud kay ang kalisud maoy sukdanan sa imong pailob ug katakus.
Sa akong panaw daghan ko og nakat-onan ug sa akong mga nakat-onan the more nakong nakita ang kamot sa Dios nga nilihok taliwala sa mga higayon sa akong pagsupak. Mao nga sa paghimo sa mga finishing touches kinahanglang mamahimo usab kining work of art aron mahabilin ang imprint sa gugma nga gigambalay taliwala sa pagsulay.