Unsay buhaton kun mountol ang cheke nga gibayad sa utang
Dear Atty. Divine,
Ang akong mama giutangan sa iyang amiga og P150,000. Misugot siya kay ipuhunan daw sa negosyo sa iyang amiga.
Mipasalig ang nangutang sa akong mama nga bayran dayon ang utang after a month og mi-issue siya og postdated check ngadto sa akong mama.
Gipapirma sab ni mama og promissory note ang iyang amiga. Karon pagpa encash sa akong mama sa cheke miuntol man kay way pundo. Iyang gitawgan iyang amiga apan di na makontak.
Unsay angay’ng buhaton ni mama aron makolekta niya ang maong utang? Daghang salamat.—Jane
Dear Jane,
Ang unang buhaton sa imong mama mao ang pagpadala og demand letter sa iyang amiga pag-settle sa iyang utang human miuntol ang cheke nga iyang gi-issue.
Kun dili gihapon kini mobayad, mamahimong mo-file ang imong mama og kasong kalapasan sa BP 22 batok sa iyang amiga.
Usa kini ka criminal offense busa mamahimong mapriso ang iyang amiga kun mapamatud-an.
Mamahimo sab nga Civil case lang ang ipasaka sa imong mama kun ang gusto niya mabayran lang sa utang. Mo-file siya og kaso ubos sa small claim case ngadto sa MTC ug mas paspas ang proseso niini og di na sab siya magkinahanglan og abogado. Thanks and God bless.— Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
