Ako nag-inusara

Mibangon ako sa sayong kabuntagon sa pamasin nga akong mapakli ang anib sa Breviario. Apan walay laing nagawas sa akong mga ngabil mao ang pagpasalamat sa Balaan nga ako nakamata pa taliwala sa akong kawalay angay.

Salamat sa palibot nga naghatag kanako og kalunsay uban ang honi sa mga siloy ug mga kokok nga bisan udlon ang unod sila nakahatag gihapon og kalipay. Ning maong pag-inusara, akong nakita kining mosunod:

1. Ang sayong kabuntagon kahigayonan sa pagkat-on. Ang pagginhawa ug lawom dungan ang pagbangon mao man ang tukmang paagi sa pagsugod sa adlaw.

2. Sugdan ang adlaw diha sa positibong panglantaw aron motapos kini sa positibong pagkatulog.

3. Ang akong pag-inusara nagpasabot man og pakiglambigit sa tanan sa mga makita ug dili makita.

4. Akong nakita nga diha sa maong pag-inusara nakita ko ang akong kaugalingon nga mahimong wala nako makita sa kaniadtong panahon.

Ang mensahe alang sa matag usa kanato mao: “Ang tanan connected gayud ug sa maong kalambigitan makita nato ang bili sa matag usa bisan pa man kun kini ang pinakawalay ngalan nga tanom!”