Dear Atty. Divine,
Ang akong igsuon nagpa-rent sa iyang house and lot sa probinsya. Ang Contract of Lease good for one year. But recently dunay mi-offer nga gustong mopalit sa property. Apan naa pay 6 months nga nahibilin sa kontrata sa nag-rent. Ang akong pangutana kun pwede ba mapapahawa ang nag- rent sa maong property kay ibaligya na man kini? Daghang salamat. — Liza
Dear Liza,
Basi sa Section 10 of Rent Control Act of 2009 kini nagkanayon nga dili mamahimong papahawaon ang nag-rent sa property tungod lang kay ang property nahalin na or kini na mortgaged so even the new owner dili makapapahawa sa nagrenta kun wa pa matapos ang Contract of Lease. Busa mas maayong sultian na lang sa imong igsuon ang buyer nga dunay nagrenta sa property ug aduna pay 6 months nga nahibilin sa kontrata ug iyang hangyuon nga tiwason na lang ang contract sa nagrenta. Thanks and God bless. — Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.