Dear Atty. Divine,
Duna mi house and lot nga na-inherit gikan sa among mga ginikanan.
Tulo mi ka magsuon, ug titulado ang maong property nga among masunod.
Wa pa namo na-process ang pagbalhin sa title sa maong house and lot ngadto sa among pangalan, ug wa pa sab namo mabayri ang Estate Tax.
Karon, ang duha nako nga igsuon gusto nga ibaligya na lang namo ang maong property.
Misupak ko niini kay hinagoan baya na sa among ginikanan.
Unsa may angay nako nga buhaton aron mapugngan ang pagbaligya niini? Daghang salamat. — Rica
* * *
Dear Rica,
Kamong tulo, considered mo nga co-owners sa maong property, busa pulos kamo dunay katungod niini.
Ang problema lang kay dili ninyo mahimong i-subdivide ang property ilabi na ang balay.
So ang inyong option mao ang pagbaligya niini ug inyong bahinon in equal share ang halin ug kon dili ka gusto nga mapunta sa lain ang house and lot, then duna kay option sa pagpalit niini.
So bayran nimo ang imong mga igsuon sa ilang share ug mo-execute kamo og Extrajudicial Partition with Sale aron imong ma-transfer ang property ngadto na sa imong name, after na sa imong pagbayad og Estate Tax, Capital Gains Tax ug Documentary Stamp Tax.
Pinaagi niini, solo mo na unya nga mapanag-iya ang property. Thanks and God bless.- Atty. Divine
* * *
Alang sa inyong pangutana, ipadala lang sa Legal Cornersa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.