Ang tanan lumalabay lamang. Dili na kinahanglan nga magbilin pa og legasiya aron lamang mamahimong immortal sa hunahuna ug kasingkasing sa imong isigkaingon. Kini tungod kay ang tanan dunay kausaban bisan gani ang pulong gugma mahimong mao karon apan lahi na ugma.
Bisan gani ang mga mahigugmaon karon mahimong maluibon ugma. Sa imong pagpuyo sa kalibutan mahinungdanon kaayo nga dawaton mo nga nahimo kang mapuslanon lamang kon may mahimo ka pa apan mahimong sama ka sa basurang malabay lamang kon alang sa mga mata sa nipahimulos sa imong talento ug kusog dili ka na magamit pa. Mao nga ayaw himoang malansang ka sa kang bisan kinsang pahiyom ug mga panaad aron dili mahimong pakyas ang gilauman mong duhiraw.