Magtiayong magseks nganong kanunayon (1)

Unsay mga hinungdan ug mga benepisyo nga makuha kun ang mga magtiayon magseks, ug nga mas makaayo kini nga buhaton sa kanunay? Ania, atong tukion.

* Ehersisyo — Wala kinahanglana ang makapaugtas nga paugnat sa gym, igo na ang pagseks kanunay nga magsilbeng makapatagbaw nga ehersisyo sa kama. Makapalagsik kini sa pinitik sa duha ka kasingkasing. Katumbas ang pagseks sama sa ehersisyo nga paglakaw ug pagbisekleta, nga kuyaw pa sa disgrasya.

* Makapalig-on sa kasingkasing sa babaye — Kun sila makaseks duha ka beses sa semana, mas momenos ang risgo nga magkasakit sa kasingkasing ang babaye, kay sa usa ra ka beses sa bulan. Kini tungod kay sila kanunay malipay sa pagseks nga susama ra’g bation sa lalaki ang epekto niini.

* Mopahupay sa sakit sa ulo — Ang pagseks makatabang sa panakit sa ulo o sa ‘migraine’ ug sa ubang mga parte sa lawas.

* Pakalma sa ugtas o ‘stress’ — Gumikan sa kalapoy sa panghunahuna, sa kalibog ug kabalaka ug sa grabeng trabaho nga giatiman. Ang pagseks maoy makapahupay niini, mogaan ang gibati nga kabug-at sa kaugalingon.

* Makapataas sa kinabuhi — Dili lang abusohan sa kahangol sa pagseks, makapataas kini nga malugwayan ang atong kinabuhi. Mao kini ang kinanindotan nga epekto, labi na sa babaye, nga pirme matagbaw ug makasubli sa kahinam o gana sa seks.

* Makapahait sa pangutok — Ang pagseks maoy responsable sa paghimo’g mga bag-ong selyula sa utok (braincells). Kadtong nag-edad og 50 nga aktibo pa mokombati, maayo pa sa memorya o motimaan sa mga numero. Bentaha ni sa lalaki kay sa luyahon na sa seks nga bisa’g karinyo dili na makahimo.