Daghan ta'g nadawat nga txt ug call, mga magtiayon nga dismayado sa ilang seksuwal nga abilidad. Ilabi na sa mga babaye, segun sa surbi, 67% niini wala gyud makasinati'g katagbawan sa seks. Kun molampos man pagpabuto inagulo lang ang nabatyagan apan wala kini makatandog sa kalalim nga sination ang kaanindot tahakon ang langit sa himaya.
Sa mga misis nga naghigwaos niining lamian nga potahe, nahadlok basi'g mahupas sa kabugnaw, mahinaykan sa lain masungkab nga makasugnib og kainit sa kahidlaw, segurado matay-og ang hugot nila nga pagminahalay.
Unsa kuno'y remedyo nga buhaton, aron masabak sa kinapusoran ang kalalim nga katagbawan sa pakigseks uban sa iyang paris.
Sa atong pagduki-duki sa solusyon niini gikan sa mga eksperto kabahin sa mga problema sa seks, duna ta'y nahan-ay nga ideya, nga gituhoan kong makatabang sa tanan nga nagbaton og susama niini nga suliran, apan tun-i nga mapraktis pag-ayo nga paniiron ang epektibong maniubrada sa seksanay.
* Magpa-ibabaw nga maoy momaniubra sa hamag — Dako ni'g bentaha sa pagseks, kay ikaw may mag-inisyatibong mopaugtas sa pagana. Nga painiton hangtud mangapaso ang kahiladman nga magdungang ituyhakaw ang perlas sa himaya.
Ang lahutay niini anaa sa imong abilidad sa paghimas sa kuryente nga mopapukaw pagbalik sa kahinam, aron tilokon paghaw-as ang nahibilin nga dugam-is sa seks (sex libido), nga maoy sugnod mopaandar nga makasikad pa. Ayla'g kalimot nga kanunay kang madanihon sa diskarte sa seks. Kini segun sa pagtuon ni Dr. Kerner nga napatik sa 'Journal of Sexual Medicine'.