Kini ang mga dapit nga gitaak nako dili pa lang dugay. Layo kining mga dapita ug dalan mo pwerteng lisura. Untol ang motor, ug nahilis ang sandal sa pagtunob sa mga batong panas. Kapilya nga layo, adlaw nga init kaayo, lawas nga daw gipusposan gumikan sa kalapoy nga hilabihan. Apan sa maong kalisdanan dunay bata miduol kanato ug mapahiyumon siyang niingon: "salamat kaayo!"
Uban niini ang pagpakita sa pangag niyang ngipon. Tingali kaha aron pagpadayag sa tinguha niyang moduyog sa akong kahimtang. Apan usa lang siya sa daghang mga bata nga nagdagan-dagan sa kapilya sa wala pa ang Santos nga Misa. Yano nga pahiyom uban ang matinud-anong pagpasalamat. Kaanindot ibali sa pagkabata aron sa Kampoot, Matnog Manan-aw ug Mabunao ako magduwa-duwa.