Mao'y gihisgustan nato sa ulahing isyu kadtong mga obserbasyon nato sa mga pasyente nga buot mopahimulos sa serbisyo sa talagsao'ng klinika nga nagtanyag sa pag-alibyo sa adunay mga gipamati sa panglawas.
Nga kini gihimo pinaagi sa kinaraang mga pamaagi sa tradisyonal nga inintsek nga medisina (TCM- Traditional Chinese Medicine).
Epektibo kini kay may mga doctor man usab nga giserbisyohan ini. Walay sayd epek ni'ng lowas nga pang-alibyo sa mga sakit, kay igo ra panuslokon o tandogon ang mga 'meredian' o choke points' sa kalawasan nga paganahon ang mga palyadong parte sa lawas, nga maoy nakapaluya ug kita nagkasakit.
Naay daghang mga 'medical clinic', apan talagsaon ug dili komon kini'ng serbisyo sa 'TCM acuwellness clinic', nga ang prinsipyong gisagop ini mao ang 'biomagnetic healing'. Nga naa ra sa sistima sa lawas ang kadaut nga angay idirekta nga ayuhon dayon aron mogana sa pagpaandar sa lawas nga mohimsog.
Human sa pipila ka pagbisita sa mga maluyahon kaayong pasyente, mismo akong nakita sila nga medyo mapahiyumon na nga nawala ang dagway sa grabeng kaluyahon, nga halos maglisod sa paglihok. Karon malipay ko nga magsud-ong sa kahimtang nila, kay moapil na'g pasiaw nga mosayaw tungod sa kalipay.
Natandog akong balatian sa kahingangha kay wa ko magdahum nga sa ingo'ng sitwasyon, ang kaabtik sa maluyahon, mosilak pa ang dakung paglaum. Nga may kahigayonan pang mahibalik sa normal nga kaabtik ang unsa may gipamatyag nato nga kaluyahon sa panglawas.
Dili man kita perpekto nga makaayo sa lawas kundi ang Dios lamang. Apan may mga kasangkapan Siya nga tawo nga may kahibalo aron kita ayuhon sa mga sakit, nga nakahasol sa ato'ng pagpanlimbasug nga mabuhi nga malipayon.