Napupos na pud ang laing tuig sa kalendaryong liturhikal. Nisud na pud kita sa bag-ong tuig sunod Domingo sanglit, sunod Domingo mao man ang Unang Domingo sa Adbiyento. Sa ebanghelyo nato karong Domingoha, atong makita ang huyang ug walay mahimong hari atubangan sa gobernador sa Roma nga si Pilato. Gisukit-sukit siya: “Ikaw ba ang Hari sa mga Judio? Ug kini gitubag uban ang dakong pagsalig sa kaugalingon: “Giingon mo nga Ako Hari!” Apan ang maong hari nahimong modupa sa krus ug mamatay sa paagi nga dugoon ug pintas. Lahi ang panlantaw nga kalibutanon kun maghisgot kita og Hari. Alang sa mga matang kalibutanon ang Hari, bantugan, gamhanan, ug lisud pukanon. Apan matang sa pagkahari nga gipakita ni Jesus usa ka huyang ug mapaubsanon. Apan ang maong kahuyangan wa magpasabot og kapildihan. Ang kristohanong pagsabot sa kagamhanan ang nagasukad man sa mapailubong pagtahan sa Diosnong Katuyoan. Kini ang matang sa kabantog nga atong pagasundon. Lisud man tuod apan dili halayo sa kamatuoran