Dear Atty. Divine,
Duna ko’y pangutana labot sa kaminyuon sa akong anak. Wa ko kahibawo nga nagminyo na diay siya niadtong miaging tuig ug misulti lang siya nako karon nga nagbuwag na sila sa iyang bana human niya mahibaw-i nga minyo na diay kini nga daan ug may pamilya na. Gitambagan nako ang akong anak nga ipa-annul ang iyang kaminyuon apan nagdumili siya sa paghimo niini. Ang akong pangutana, isip inahan mahimo ba nga ako ang mopa-annul sa kaminyuon sa akong anak? Unsa may angay nako nga buhaton? -- Lydia
* * *
Dear Lydia,
Kun kumpirmado nga minyo ug kasal na’ng daan ang bana sa wala pa siya magpakasal sa imong anak, then adunay igo nga basehan nga kini ipa-annul or ipa-declare nga void kay usa kini ka bigamous marriage ug gikonsiderar kini nga void base sa balaod. Apan dili mahimo nga ikaw ang mopasaka og Annulment case ngadto sa korte. Base sa resolution sa Korte Suprema, kini nagkanayon nga ang asawa or bana nga hingtungdan mao ra g’yud ang makapasaka sa maong kaso ngadto sa korte alang sa pagpa- annul or pagpa-declare nga void sa ilang kaminyuon. Ang maayo nimo nga buhaton karon mao ang hinay-hinay nga pagkombinser sa imong anak aron siya maoy modangop sa korte alang sa pagpa-declare nga void sa iyang kaminyuon. Thanks and God Bless. - Atty. Divine
* * *
Alang sa inyong pangutana may kalabutan sa problema’ng legal, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column.