Mga remedyo sa goiter (1)

Kun ugaling may gibati nga medyo pangarat o panakit sa tutonlan, lisud iginhawa, panghugot sa tutonlan, morag tuk-an sa pagkaon ug pagawon, malagmit mga sintomas ning adunay abnormal nga pagtubo sa goiter. Busa ipatan-aw dayon sa doctor sa inyong barangay health center.

Hinuon dunay mga remedyo ani nga mahimong sulayan mo kay epektibo man sad ni sumala sa mga nagtuon ini, sama sa mga mosunod:

*Ahos - Matud ni Gale Malesky, usa ka 'nutritional therapist', mosanta o mopugong kini sa pagdako sa bukol sa liog gumikan kay nidaku ang 'thyroid gland'. Ang kemikal ining naa sa ahos, makapataas kini sa prodaksyon sa 'gluthatione', nga importante kini aron mamintin ang kahimsog sa 'thyroid hormones. (a) Moinom o motumar kag 3-4 ka lusok sa ahos kada buntag  sa di pa mokaon (b) Mahimong 3-4 ka lusok sa ahos pinohon mo paghiwa, himoong sarsa sagolan og 'tomato sauce', hiniwang pulang sibuyas Bombay ug diotay nga 'olive oil' dayon kaona. (c) Mahimo sad magtsa ka butanga’g ahos, honey ug lemon. (d) Iapil ang preskong ahos sa mga tingkaon nimo.

*Mokaon ka’g mga pagkaon nga dunay 'iodine'. Sama sa; (a)Brown macro-algae (guso), (b)Green macro-algae (lato), (c)Green micro-algae (spirulina) ug (d)mga 'seaweeds' (ubang makaong sagbot sa dagat). (e)Kaon sad og linung-ag nga potato (patatas) nga apilon og kaon ang panit. (f)Kaon sa’g ginagmay lang nga tuna, repolyo, sardinas o itlog. Igo lang ayaw palabii (hamtong-150 mg/day, mabdos-200mg/day, bata-(1-6 anyos)50 mg/day (7-12-90mg/day).

Aduna pay ubang remedyo ini nga sunod isyu atong dugangan.