Ibasura ang BBL?

Gumikan sa nahitabo sa Mindanao, buot ni Senador Peter Allan Cayetano nga ibasura ang Bangsamoro Basic Law (BBL) kay alang niya wala nay kahigayonan nga makab-ot pa ang kalinaw sa Mindanao.

Alang kaniya, mas magmalinawon ang Mindanao kun walay peace process nga pasiugdahan. Sa ato pa, status quo. Padayon ang atrocities sa Mindanao, padayon ang pinatyanay, padayon ang pagpangidnap ug ubang kalihokan sa mga rebelde.

Mao kini ang solusyon ni Cayetano pagsulbad sa kaguliyang sa Mindanao, ug pagkab-ot sa kalinaw.

Samtang ang uban, ang ilang solusyon mao ang pagpa-resign ni Noynoy (Walay labut sila si Cardinal Vidal ug Arsobispo Jose Palma niini).

Ang nagtinguha nga mo-resign si Noynoy, buot sila nga ma-Presidente na si Vice President Binay, aron magmalinawon na ang Mindanao ug magmauswagon na ang atong nasud. Ila sad ni. Dili sila makahuwat sa 2016 election. Ambot unsay ilang gidalian?

Mao ba kini ang sentiment sa tibuok nasud? Earlier ang CBCP, ang kahugpongan sa mga Obispo sa tibuok nasud, mipadayag nga dili sila moduyog sa awhag pagpa-resign ni Noynoy. Maoy ilang gusto nga tukoron ang usa ka independente nga Truth Commission pagpagula sa tinuod.

Samtang sa iyang bahin, si Robin Padilla, mipadangat sa iyang pahasubo ngadto sa amahan nga Muslim kansang 8-anyos niya’ng anak babaye namatay sa pinusilay sa Mamasapano, Maguindanao.

Nindot nga gesture. Okay lang. Mi-condole ba usab kaha siya sa mga banay sa Valiant 44? (dili fallen 44). Just asking.

* * *

Kudeta kuno. Kun duna man, mao ba usab kini ang ilang solusyon pagkab-ot sa kalinaw sa Mindanao ug paghatag og hustisya sa nangamatay’ng bayani nga mga police?

Si House Speaker Feliciano Belmonte ug ubang mga leader sa Lower House mipagamay ni’ng maong huhongihong, wala magtoo nga ang kasundalohan ug kapolisan mobiya sa ilang commander-in-chief.

Ingon man, sila si Senador Antonio Trillanes ug Magdalo Party-list Representative Francisco Acedillo wala magtuo nga magmalampuson kun aduna may kudeta. Bisan si Congressman Gary Alejano mibutyag nga sa wala pa ang Mamasapano massacre, usa ka gamay’ng grupo nagplano na nga mohimo’g kudeta, apan wala siya magtuo nga kini magmalampuson.

Si Senador Miriam Santiago namahayag nga bisan og iyang gisaway si Presidente Aquino niining nahitabo sa SAF Valiant 44, apan, giingon dinhi nga: “she is against the removal of President Aquino by any means except those that are legal.”

Legal ba ning coup d’etat?