Hulaw

Kun maghisgot kita og hulaw usa kini sa gikalisangang hitabo sukad pa kaniadto kay seguro gyud nga magkulang ang supply sa tubig ingon man masinati ang tumang kauhaw ingon man gutom. Kun kini ang nigawas nga hulagway diha sa imong mga damgo, mahimong pahinumdom kini sa imong dakong panginahanglan nga matagbaw not necessarily sa mga butang materyal kondili usab sa mga butang nga dunay kalambigitan sa emosyonal ingon man espiritwal nga panginahanglan. Kini ang mahinungdanon kaayo nga imong pamalandongan kun asa ka dapita gibati og kakulangan aron sa ingon mahatagan kini og igong pagtagad. Kay kun kini dili nimo mahatagan og igong pagtagad mamahimo kini nimo nga back subject bisan pa man kun ikaw matigulang na.