Ang Ross Sea, ginganlan kini og “Ang Katapusang Lawod” (The Last Ocean) nga adunay gilapdon nga 3.6 milyones kwadro-kilometros, nga nagpalibot sa Antartika, diin ang dagat ug yuta halos natabunan sa mga yelo. Bag-ohay lang niadtong 2008, adunay gihimong mga pagtuon, kun unsa gyu’y mahimong epekto niini karon sa atong panahon. Kay kining bahin sa suok sa kalibutan nga atong gipuy-an, kini lang ang gikonsiderar nga wa pa kaayo matandog sa polusyon. Birhen pa kining dapita sa mga kaugmaran. Si John Weller, usa ka photograper nga maikagon kaayo sa maong dapit, nangunay gyud pagkuha og mga hulagway nga makapatingala kaayo ang kaanindot sa ‘ecosystems’ sa palibot. Aduna sab siya’y hulagway sa kabukiran, kapatagan ug ingon man ilawom sa dagat, nga detalyado kaayo nga adunay talagsaong mga balyena, penguin, isda ug uban pang nabuhi sa kabugnaw.
Tungod sa subsob nga gihimong mga ekspedisyon didtong dapita, aron sa pagdiskubre og dugang kalamboan o pagtugkad sa daghang tinubdan sa mina sa yuta ug kadagatan, ilabina sa mga pangisda nga abunda kaayo ning dapita, gikahadlokan nga ang mata karon sa tibuok kalibutan dinhi nakatutok.
Tungod kay sa pagkakaron, kulang na kaayo ang mga tinubdan nga atong kahinguha na lang sa atong panginahanglanon. Daghang teknolohiya ang gihimo karon sa atong sayantipiko, aron makahatag lang og daghang abot o prodaksyon. Iyawat madugang anang nagkadakong konsumo sa kalibutan.
Gituohan nga kining “katapusang lawod” sa antartika, adunay dakong paglaom nga kini sa umaabot, usa kini sa makatubag sa panginahanglan nato.