OKTUBRE 19, 2014: Ikakawhaa’g -siyam nga Domingo sulod sa tuig
Mga Pagbasa: Is. 45;1,4-6/Sal. 96/1 Tes. 1;1-5b/ Mt. 22;15-21
Buot nilang bikton ang atong Ginoo pinaagi og usa ka pangutana nga nagdala og lit-ag. Kun ang atong Ginoo moingon nga dili maayong mobayad og buhis sa Roma mahimong siya pasanginlan og rebelyon. Kun moingon siya nga mobayad sa Roma, siya mapasanginlan nga kaalyado sa mga pagano ug walay pagpakabana sa iyang kaugalingong nasud. Apan ang atong Ginoo maampingon migamit sa iyang kait-on: “Ihatag kang Cesar ang alang kang Cesar ug ngadto sa Dios ang iya sa Dios.” Kini ang kahulogan kun maghisgot kita og kaangayan. Kini ang ang atong hagit nga unta himoon nato ang kaangayan ingon nga mahinungdanong bahin sa atong kinabuhi. Ihatag pud unta nato sa Dios ang alang gyud unta niya ug ngadto sa atong nasud ang alang gyud sa nasud.