Kandado Temang nalambigit: mga sekreto, mga babag

Diha sa kalibutan sa mga damgo ang kandado simbolo sa mga sekreto ug mga babag. Mga sekreto nga mahimong gikuptan sa hingtungdan o dili ba kaha sekreto nga buot tugkaron sa hingtungdan apan siya nababagan o dili ba  kaha napugngan. Mahimo pud nga ato kining sabton ingon nga mga kahigayonan nga buot untang makab-ot apan napugngan gumikan sa wala’y hinungdang mga babag. Apan sa laing bahin, ang maong hulagway ang nipahinumdom kanimo sa imong dakong kaakuhan nga mahimong gawasnon diha sa paghimo sa mga butang o mga lakang nga makaayo dili lang kanimo kondili usab sa ubang mga tawo. Sa laing bahin, mahinungdanon kaayo nga imong hatagan og igong kahigayonan ang uban nga mamahimong magmabungahon diha sa ilang natad kaysa imong pugngan ang ilang paglambo.