EDITORYAL - Pulos lang plano

Nagkaanam og kapupos ang oras sa mga Overseas Filipino Workers nga nagtrabaho sa Libya nga luwas nga makagawas sa maong nasud.

Sa makausa pa, nakita na usab ang kakulangon sa gobiyerno sa pagpangandam sa mga susamang mga sitwasyon kun unsaon pag-evacuate sa mga OFWs gikan sa mga nagkagubot nga mga nasud.

Ang Pilipinas dunay  10 milyones ka  OFWs nga nanarbaho sa nagkalain-laing kanasuran. Ang 'evacuation plans' niini pulos lang plans apan way evacuation hangtud karon.

Dunay  gibanabanang 13 mil ka  OFWs nga naipit karon sa  Libya nga gipangitaan pa og paaging makagawas. Sa nasayran nga 800 pa lang ang nakagawas sa Libya sa pagkakaron.

Ang mga escape routes nga Libya-Tunisia ug Libya-Egypt sa mga foreign workers  gipasirad-an na tungod sa hulga sa seguridad.

Layo pa ang latason sa Pilipinas aron mahunong na ang pagsige og abroad sa mga Filipino aron makatrabaho.

Kinahanglang mo-invest ang gobiyerno pinaagi sa pagbaton kanunay og epektibong evacuation plans nga suportahan usab sa aksyon.

Show comments