Ang maong damgo ang mahimo natong tan-awon ingon nga pagdason sa emotional closeness labina kun ang nakahatag nimo og kalipay diha sa imong damgo mao usab ang imong real life partner (ma hinigugma man o mahigala, o masakop sa pamilya). Labina kun adunay panagtagbo sa inyong mga hunahuna o panlantaw nga bisan gani ang mga ginagmay nga detalye sa mga simpleng hinungdan sa kalipay. Sa laing bahin, kun sa imong damgo ikaw nikatawa apan ang sitwasyon nga gipakita dili kataw-anan mahimong atong sabton nga ang imong gihimo usa lamang ka defense mechanism sa dakong kauwawan nga imong nasinati. Buot nimong tabonan ang maong pagbati. Buot nimong ipagawas ingnon nga ikaw wala maapektohi. Sa laktod usa ka dakong pagpakaaron ingnon ang imong gihimo. Nikatawa ka apan ang maong katawa dili diay bunga sa kalipay. Busa mahinungdanon kaayo ang pagkamatinud-anon sa kaugalingon aron dili ikaw mahitumpawak sa dalan sa pagpakaaron-ingnon.