Ang kaminyuon usa ka special nga kontrata nga pinasubay sa balaod. Wala kini expiration date apan ang atong balaod naglatid og mga rekisitos nga angayang tumanon sa magtiayon sa dili pa magpakasal? Unsay epekto kun dili masubay ang maong rekisitos? Kana nga pangutana ang atong tubagon karon sa atong column.
Dear Atty. Divine,
Aduna koy ipangutana labot sa legality sa akong kaminyuon. Gikasal ko duha ka tuig na ang nakalabay. That time, ang edad sa akong asawa 22 anyos pa. Tungod lagi kay nabuntis siya gidali ang among kasal. Didto mi magpakasal sa mayor ug wa na mi mokuha pa og marriage license kay mi execute lang kami og Affidavit of Cohabitation nga konohay kami nagpuyo na sud sa lima ka tuig apan ang tinuod duha ka tuig pa mi nga manag-uyab og wa sab kami magpuyo. Karon dako na ang among anak. Apan na bother ko kun balido ba ang among kaminyuon nga wa man mi marriage license? Unsa may angayan namo nga buhaton? Mamahimo ba kaming magpakasal pag-usab? Hinaut nga imong matubag ang akong pangutana. Daghang Salamat. Dinoâ€
Dear Dino,
Kanang Marriage License usa kana sa mga essential requisite sa kaminyuon basi sa nalatid sa atong Family Code. Buot ipasabot nga kun wa gani marriage license nga mapresenter ang nagpakasal mamahimong kabasihan kini aron madeklarar nga void ang ilang marriage. Sa inyo nga kaso, mi-execute mo og Affidavit of Cohabitation aron ma-exempted kamo sa marriage license nga requirement apan tungod kay dili tinuod nga kamo nagpuyo sud sa lima ka tuig makonsiderar nga usa lang ka mere scrap of paper ang maong Affiavit nga inyong gi-execute ug wa kini force and affect. Apan ang inyong kaminyuon magpabiling balido gawas lang kun aduna nay order ang korte nga magdeklarar nga void sa maong kaminyuon. Way laing tawo nga maka-question sa legality sa inyong kaminyuon kondili kamo rang duha sa imong asawa.
Kon lig-on gyud ang inyong pamilya wa kay angayang kabalak-an. Kun nagplano ka nga magpakasal pag-usab sa imong asawa mamahimo man sab nga magpakasal mo sa simbahan kay sa una ninyong kasal didto man mo sa mayor, mas maayo nga dunay blessing ang inyong kaminyuon. Way balaod nga nagdili sa usa ka tawo nga magpakasal pag-usab provided nga ang imong asawa o bana mao ra gihapon ang inyong pakaslan pag-usab. Hinaut nga akong natubag ang imong pangutana.
Dahang Salamat and God Bless. Atty. Divine
Kun ikaw adunay pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana matag adlaw’ng Miyerkules ug Domingo pinaagi sa akong column.