Ang magbalantay ug ang gibantayan
Tabunok sa kahulogan ang pulong Magbalantay kon shepherd, pastol, o pastor. Kay gawas nga napunting kini sa buluhaton ug kinaiya sa usa ka pangulo, kini usab ang naghulagway sa pakigrelasyon.
Relasyon tali sa Magbalantay ug sa iyang Gibantayan. Ang magbalantay nakaila sa iyang panon ug ang panon nakaila sa ilang magbalantay. Sa laktod, dili taphaw ang maong relasyon hinunoa halawom kini ug suod.
Sa atong kinabuhing Kristohanon mahinungdanon ang pagpangalagad diha sa pagka-Magbalantay dili lang sa atong konteksto sa ministerya nga pagkapari kondili usab diha sa konteksto sa atong pagka-katilingban.
Diin anaa ang constant dialogue of life.Ikapakita sa Magbalantay ang iyang pagka-Magbalantay diha sa pakig-uban sa iyang panon. Ang nakadaut kay karung mga higayona ang panon mahinumdoman lamang kun ugaling adunay kinahanglang ekonomikal.
Amot diri,amot didto. Sugo diri, sugo didto. Ug inigkahuman sa maong mga gimbuhaton hikalimtan lang ang maong higayon. Dumdomon na pud inig adunay laing proyekto.
Walay hingpit na relasyon tinuod ka. Apan bisan pa man tingali sa maong buslot, atong hunahunaon nga diha sa kinabuhi kun anaa ang pagbinantayay sa kaayohan sa matag usa ug dili ang paggambalay og " pamantay" nga kinaiya lamang diin atong gitan-aw ang bati sa atong palibot ug atong gilantaw ang kadautan.