Ang National Anti-Poverty Commission (NAPC), Department of Budget and Management (DBM), Department of Interior & Local Government (DILG), ug ang Department of Social Welfare & Development (DSWD), nagpasiugdag seminar workshop alang sa mga marginal sectors – paghikay sa ilang gitawag nga “Bottom-Up Budgeting†alang sa tuig 2014.
Bottom-up, sa ato pa, gikan sa ubos padong sa taas. Maoy atong naandan nga kun maghisgot kita’g budget, sila didto sa taas maoy magpreparar niini, ug kita dinhi sa ubos, maghuwat og pilay ilang igahin alang kanato, kana kun malakip kita sa ilang gahinan og pundo.
Apan, karon, pinasikad sa joint circular sa NAPC, DBM, DSWD, ug DILG, pinitsahan December 20,2012, giawhag ang mga participating agencies (DAR, DA, DepEd, DoE, DENR, DoH, DoLE, DoT, DTI, TESDA), pag-establish og mga guidelines ug mga paagi pagpa-implementar sa Bottom-Up Budgeting , “to ensure the inclusion of the funding requirements for the development needs of focus cities and municipalities in the budget proposals of participating agencies.â€
Sa handout nga ilang gipanghatag, mao pay akong pagkahibawo nga duna diay LPRAP kon Local Poverty Reduction Action Plan ug LPRAT kon Local Poverty Reduction Action Team. Nindot kaayong paminawon. Hinaut nga duna gyud ni silay mahimo, pag-reduce sa kawad-on sa atong nasud. Nga unta, ang mga maihap-lang-sa tudlo nga mga super dato nga Pinoy, mamahin, bisag gamay lang, pagtabang nga kakunhoran ang hilabihang kakabus sa nasud.
Tingali unya’g kutob lang ta sa mga seminar ug mga workshop. Ang national government, ra ba, ang Imperial Manila, morag minus kaayo ang pagtagad kanatong mga probinsiyano. Hinaut nga ilang tumanon, this time, ang ilang gipasibantog nga Bottom-Up Budgeting.
Ania ang mga pamaagi, o kalihokan pagpatuman sa BuB: 1) Preparation for poverty reduction planning & budgeting. 2) Conduct of LPRAP workshop. 3) LPRAP endorsement of CSOs kon Civil Society Organizations. 4) LPRAP adoption of the Sanggunian. 5) Submission of the priority projects to the DILG regional office. 6) Consolidation of the projects by the DILG. 7) Validation of the projects by the RPRAT. 8) Integration of the LGU projects in the budgets of participating agencies. 9) Provision of LGU counterpart. 10) Project implementation.
Sa ato nang gibalikbalik dinhi, ang mga marginal sector sa talaan sa NAPC, naglangkob ning mosunod: farmers & landless rural workers; artisanal fisherfolk, formal labor and migrant workers; workers in the informal sectors; indigenous people & cultural communities; women, persons with disabilities, senior citizens, victims of calamities and disasters, youth & students, children, cooperatives, urban poor.
Mao ni ang mga marginal sectors sa NAPC. Ambot nganong miabot man og kapin sa 200 ang marginal sectors ubos sa party-list system?
In the meantime, paminaw sa Senior Citizens Hour sa dyRC, 648 kHz, matag Sabado, 4:00-6:00 pm, Tels. 4125249, 4125298.