Nangusisa ang bata sa iyahang inahan nga paspas nanghawan sa iyahang mga tanum. Ngano man Nay nga giputol man nimo ang mga sanga ug gikuha ang uban nga dahon niana imong tanum? Mitubag ang inahan kay pinaagi niini dong mahawan ang tanum kay gikuha man nako ang makabalda sa iyang paglipang ug sa ingon makatambok ug makasalingsing siya pag-ayo ug moanindot ang iyang mga buwak.
2013 na usab daghan na pud ang mga pagbag-o ang buhaton isip New Years Resolution. Pagkuha sa mga bati ug pag puno sa maanindot arun sa ingon maayo ang mahimong kinabuhi sa tuig nga sugaton. Ang hingpit nga pag-aninaw sa kaugalingon ang labing maayo nga buhaton kay bugtong kita ra ang nasayud sa matuod tang pagkatawo ug walay si bisan kinsa ang makapausab kanato kung dili kita mismo inubanan sa grasya sa Ginoo ang grasya sa pagkamalig-on. Kung mapakyas man kita sa niaging katuigan padayun kitang maningkamot sa pagbag-o kay sa kanunay ang Ginoo mag-uban kanato. HAPPY NEW YEAR...