Mel Tiangco mi-renew sa  iyang kontrata sa GMA

CEBU, Philippines — Magpabilin sa  GMA Integrated News ang  24 Oras anchor  nga si Mel Tiangco human kini ni-renew sa iyang kontrata sa maong network sa niaging adlaw.

 Nitambong sa  contract signing sila si  GMA Network Chairman Atty. Felipe L. Gozon; President and CEO Gilberto R. Duavit, Jr.; Executive Vice President and Chief Financial Officer Felipe S. Yalong; ug Senior Vice President and Head of GMA Integrated News, Regional TV, and Synergy Oliver Victor B. Amoroso.

Nagsugod si Mel  isip Kapuso niadtong 1996 ug nahimo siya nga anchor kaniadto sa   Saksi ug Frontpage.  Giila ni Atty. Gozon ang dili malilong nga kontribusyon ni Mel  sa  Philippine media.

“Si Mel Tiangco ay accomplished at popular na bago siya lumipat sa Channel 7 noong 1996 or 28 years ago.

Pero noong nakalipat na siya, lalo siyang gumaling at lalong naging popular sa kanyang pagiging news anchor ng mga evening news program ng GMA, lalo na ng ating top-rating program na 24 Oras. At ngayon, si Mel or Tita Mel as she is fondly called, ay hindi lamang icon kundi isang institution na,” saysay pa ni Atty. Gozon.

Samtang si Duavit sa iyang bahin , nidayeg kini sa maayong kredibilidad  ni Mel kun maghisgot og serbisyo publiko.

“I have known Mel for many years, and after listening to the messages from her colleagues, naaalala ko na napaka-bukod tangi niya. She is so gifted, so kind, so sharing, so good at what she does. She is an inspiration not only to her colleagues. To me, she serves as a great inspiration," matud pa ni Duavit .

Nagpasalamat pud si Amoroso kang Mel gumikan kay nagsilbi kini nga inspirasyon sa  GMA Integrated News team.

“GMA Integrated News is grateful for your hardwork and dedication. Una tayong nagkatrabaho through GMA Kapuso Foundation.

Maraming projects sa regions – mula Luzon, Visayas, Mindanao.

At ngayon, we’re working together in GMA Integrated News. You have remained to be one of the pillars of news. In fact, you have solidified your legacy as one of the most credible journalists in Philippine media," ni Amorosa pa.

Samtang si Mel sa iyang bahin , mapasalamaton kini  sa tanang nisuporta sa programa niya nga 24    Oras. “Mula sa kaibuturan ng puso ko, maraming-maraming salamat po sa patuloy na pagtangkilik ninyo sa 24 Oras.

Ang appreciation ko po d’yan ay hindi mabibilang sa pasasalamat at ito ay naging Number 1 Filipino TV program noong 2023," nagkanayon si Mel.

Gitudloan ni Janella

Si Janella Salvador maoy nagtudlo kang Win Metawin  nga mamalikas sa pinulongang Tagalog.  Ang resulta niini kay makita sa usa sa mga eksena sa pelikula nila nga Under Parallel Skies.Ang maong pelikula  kay ubos sa direksyon ni Sigrid Andrea Bernardo .

Tungod sa suka

Nagmalamboon ang negosyo nga  kan-anan  ni Wilma Doesnt. Nagsugod lang kini sa pagpamaligya og suka panahon sa pandemya hangtod nga nilambo ang iyang negosyo. Dugay na niya nga gipangandoy nga makapatukod og kan-anan busa mapasalamaton siya nahatagan kini og katumanan.

Heaven mibilib kang Alden

Gidayeg ni Heaven Paralejo ang performance  ni Alden Richards  isip direktor sa pelikula niya nga "Out of Order". Nakita gyud niya ang dedikasyon ni Alden sa pag-umol og movie project. Ang pelikulamg  “Out of Order” kay gi-produce sa  Viva Films, Studio Viva ug Myriad Entertainment .

Anne bida sa  action movie

Naghinam-hinam na ang "It's Showtime" host nga si Anne Curtis sa umaabot niya nga action movie kun diin subli niya nga makatrabaho si Erik Matti.

Kahinumdoman nga nagkauban sila kaniadto sa  hit movie nga  "BuyBust" niadtong 2018.

Nagsugod na si Anne sa lapad niya nga training alang sa bag-o niya nga pelikula.

Wala pa'y final title ang maong proyekto.

Nipaubos usab siya og acting workshop ,sanglit taod-taod na siya nga nakapahuway sa pag-arte.

Sarah mitingog na

Hugtanong gihimakak ni Sarah Lahbati  ang niulbo nga chika nga matud pa uyab niya ang lalaki nga kauban niya sa usa ka kan-anan didto sa Hong Kong.

Nasayran nga nag-viral ang  ilang hulagway  apan giklaro sa aktres nga iya kining higala.

Subli usab nga gitataw sa aktres nga single siya karong panahona busa walay problema kun pananglitan makabaton siya og bag-ong hinigugma . 

Concert tickets sa BINI na-soldout dayon

Gipahibalo sa Star Magic nga  na-soldout dayon  sulod lang sa duha ka oras sukad gibuksan ang pagpamaligya  sa tickets sa umaabot nga concert sa P-pop girl group nga BINI.

Ang  maong konsyerto nga nag-ulohan og "BINIverse" kay mahitabo karong Hunyo 28 sa  New Frontier Theater.

Sa niagi pa lang nga mga adlaw , todo atang na ang fans sa BINI aron makaseguro nga makapalit og concert tickets sa ilang idolo.

Ang maong grupo kay gilangkoban nila ni Mikha, Aiah, Colet, Maloi, Gwen, Stacey, Jhoanna ug  Sheena.

Pipila sa mga  gipasikat sa   BINI  kay "Born to Win", "Na, Na, Na," "Huwag Muna Tayong Umuwi," "Lagi," ug uban pa. 

"KathDen" fans gikilig sa viral video

Nag-viral ang video kun diin gihatagan og buwak ni Alden Richards  ang aktres nga si Kathryn Bernardo .

Kuha kini atol sa post-birthday celebration ni Kathryn niadtong Martes. Gikilig og maayo ang fans sa duha gumikan sa ilang ka-sweet niadtong higayona.

Lenggua pa sa pipila ka netizens nga puros single sila si Alden ug Kathryn busa wala ra'y makababag kung maabot ang panahon nga na-develop sila sa isat-isa.

Nanawagan ang "KathDen" fans nga unta dunay part 2 ang pelikulang Hello Love Goodbye . Kahinumdoman nga puwerting sikata sa maong pelikula niadtong 2019.

Una na nga gibutyag ni Alden nga andam ra siya kanunay sa maong sugyot. Nagkasoud na og maayo ang duha sa tinoud nga kinabuhi ug giingong wala pa gyud mahupas ang ilang chemistry.

Sa nangaging interview , gibutyag ni Alden nga nag-agad ra gyud siya sa Star Cinema .

Matud pa ni Alden nga dili gyud niya malimtan ang Hello Love Goodbye ug lab-as pa sa iyang huna-huna ang mainitong pagsuporta sa ilang fans sa maong pelikula.

Taylor gideklarar sa Forbes nga billionaire

Gideklarar na sa Forbes ang sikat nga singer nga si Taylor Swift nga "billionaire"  human  niabot na sa $1.1 billion ang  bahandi niini.

Siya ang labing una nga artist nga nakakuha sa maong istado nga nagbase sa kita sa musika.

Kahinumdoman nga nagmalampuson ang  Eras Tour ni Taylor sa nagkalain -laing dapit sa kalibotan .