Adunay tulubagon ang tawo nga mopalit sa kinawat

Dear Atty. Divine,

Ang among balay gilungkab og  nakuha ang mga cellphone ug laptop. Akong gipa-blotter  sa police  ang maong hitabo ug sa ilang gihimong follow-up operation nadakpan ang suspek. Mitug -an ang suspek nga siyay nagkawat ug ang cellphone ug laptop iyang gibaligya. Naa daw siyay suki nga mopalit sa iyang mga kinawat. Ako nang gikiha ang suspek apan gusto nako iapil og kiha ang komprador sa iyang kinawat, unsay kaso ang akong i-file batok kaniya? Daghang salamat. -- Lina

* * *

Dear Lina,

Mas maayo gyud nga imong ikiha og apil ang nagpalit sa mga kinawat nga cellphone og laptop kay usa ka kalapasan sa Anti-Fencing Law ang iyang gibuhat. Basi sa maong balaod pahamtangan og silot ang si bisan kinsa nga mapamatud-an nga mopalit sa butang nga kinawat kay hugtanon kini nga gidili sa balaod. Mosiaw man gud ang kawat kon dunay mga tawo mga mamahimo nilang kahandusan o kabaligyaan sa ilang kinawat. Busa ang maayo nimong buhaton mao ang pag ila kun kinsa kining tawhana og imong sultian ang polis nga iapil nimo kini sa pagkiha aron paghatag kaniya og leksyon. Thank you and God Bless. -- Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo