“Ha ka dyan.” Matud pa ni Vincent. Dayong mipalayo’g dyutay.
“Tana mo oy, unsa pa may atong gihuwat?” Pagsalga pa ni Carlo.
“Hapit una tag litson manok ug bino,” matud pa ni Tribor.
Tuod man, human makapalit sa ilang pang overnight. Nangita dayon sila og tricycle nga ilang mapakyaw paingon sa dapit nga ilang kaligoan. Sa tricycle pa lang, tsantsing na kaayo niya si Mira, gipasagdan lang kini sa ulitawo. Na-ingo’g nag pares-pares sila diin adunay upat ka paresan. Sa makausa pa, sa tricycle pa lang, nagunit si Mira sa paa sa lalaki.
Sa sinugdanan, sa may tuhod pa niya nagpatong ang kamot sa babaye, apan sa ngadto-ngadto, mipaingon kini duol sa iyang bugan. Mibatig kainit sa lawas si Carlo ilabi na kay hinay’ng mihapuhap sa iyang paa si Mira nga nakahatag og kagilok nga sarang makapukaw sa nahikatulog nga pagbati sa usa ka lalaki.
Misandig pa sa iyang abaga ang babaye, feeling uyab niya si Carlo. Nagpugong-pugong lang si Carlo nga way pagbugol nga makita diha dapit sa tunga-tungang bahin sa lawas. Sa huna-huna sa lalaki, ‘karon ka lang bayhana ka. Makatilaw ka man gyud ron. Tagbaw gyud ka ron,’ pilyong pulong ni Carlo diha sa iyang hunahuna ug hilom nga mipahiyom ang lalaki.
Pag-abot nila sa beach resort, nagtinabangay sila sa paghikay alang sa ilang pagkaon. Silang mga lalaki maoy nagsugba sa isda ug baboy. Ang mga babaye usab maoy nagpahimutang sa mga naluto nang pagkaon. Gipahimutang ang tanan diha sa lamesa sa cottage. Kilom-kilom na nga nahuman sila’g luto. Alas siete sa gabii, nanihapon silang tanan. Aligre ang panagsalo sa barkada.
Sa usa ka tapok, dili gyud malikayan nga adunay binawsanay nga kumedya nga maoy makahatag og tumang kadasig ug kamaya sa grupo. May laing mga grupo usab ang nangaligo sa maong beach resort. May family gathering apan mas naglabi ang grupo sa kabatan-onan. May mga dapit nga hayag kay nadan-agan sa gipangmontar nga mga suga ug aduna say dapit nga ngit-ngit, ilabi na niadtong dapit nga may mga dagkong bato. Human sa ilang panihapon, gisugdan na nila ang tagay. Dihang nahurot na ang usa ka botelya sa bino, ang uban kanila nag-iyahay sa pagpangaligo sa dagat. Medyo nanginit na sab si Carlo sa giinom niining bino, maong mihumol siya sa tubig. Nakita niya nga aligre kaayo sila si Vincent ug Tribor uban sa ilang mga partner, samtang si Pikot ug ang partner sab niini tua sa ilang cottage uban ni Mira.
Samtang nagkalingaw si Carlo sa pagsawom sa dagat, wala niya mabantayi nga may miduol kaniya. Si Mira nga nag two piece lang. Maklaro kaayo ang kaputi sa babaye. Miamag kini bisan og ang katunga sa lawas nahumol na sa tin-awng tubig sa dagat.
Nakita usab ni Carlo ang duha ka ugdong bulkan ni Mira. Mipukaw sa iyang pagkalalaki ang maong talan-awon ilabi na kay babha kaayo ang gisul-ob nga upper sa bathing suit diin makita ang cleavage niini ug kalugwaon na ang duha ka bulkan nga ingon ug nanudlo kaniya. Nagpamaak si Carlo dihang gihumol ni Mira ang tibook lawas ug dayon haw-as sa katunga sa lawas ug maoy naingnan nga mihulma pagsamot ang duha ka bulkan nga gitaguan sa iyang bathing suit.
“Bugnaw kaayo ang tubig noh Carlo?” Matud pa ni Mira nga ang tinan-awan sama sa karnero nga midapit sa liyon aron siya lapaon.
“Bitaw, nindot kaayo ang feeling nga mahumol ta sa bugnaw.” Matud pa ni Carlo nga nagpanlad-ok nga morag katukbonon. Hingpit nang nangisog ang pagkalalaki ni Carlo nga kagulaon sa gitaguan sa iyang swimming trunk. Sa kalit lang, mipaduol pagmaayo si Mira kaniya ug mipahimutang ang babaye sa likod sa lalaki. Miba’a kini kang Carlo. Na-feel gyud sa ulitawo nga adunay bugdong bukid nga midapat sa iyang luyo. Gusto na gyung molingkawas ang bitin gikan sa gibilangguan niini kay dili na makaantos gusto nang motundok sa iyang biktima. Busa,hinay nga milihok ang duha ka kamot ni Carlo paingon sa luyo ug gipangita ang sampot sa babaye nga gibala sa lalaki.
“Dali Mir, adto ta didtong dapita.” Pag-agda sa lalaki nga gitudlo ang nahimutangan sa dakung bato nga way lamdag sa suga nga makaabot niini. (Sumpayan)