Dear Tita Salie,
Kumosta? Ako manghinaot nga sa kanunay anaa ikaw sa kabaskog sa lawas. Usa ko sa nagsunod og basa niining imong lindog. Tuod, ang akong pangutana, ngano nga makasalig ka sa mga tagna nga nasulat sa Bibliya? Salamat daan sa tubag. Ako diay si Demitri, taga Lapu-Lapu City.
Dear Demitri,
Ang Bibliya, mao ang Pulong sa Diyos. Busa kini maoy basahon nga kasaligan bahin sa mga tagna. Kinsa ba ang makahimo sa pagbutyag sa tagna nga narekord sa Bibliya? Siyempre ang Diyos lang. Busa pinaagi sa pagtuon niini ug pagpadapat niini ug pagpamalandong, kita makasalig gayud sa mga tagna niini. Ang mga kronolohiya niini nunot gayud sa panahon. Ug wala’y laing basahon nga kasaligan bahin sa katumanan sa tagna. Bisan kini dili basahon sa siyensiya apan kini nagpamatuod niini nga kini abante pa nga nagpamatuod bahin sa kalalangan. – Tita Salie