Dear Tita Salie,
Tagoa lang ko sa ngalan nga Anne, biktima ko sa rape sa nag-edad pa ko’g 8-anyos. Karon 18 years old na ko ug may BF na apan ang problema kay dili ko happy bisan og in-love nako siya. Maglisod man gud ko pagsulti niya sa akong kaagi. Unsay akong buhaton? Pasabta ko.
* * *
Dear Anne,
Batan-on ka pa, apan kun moabot ang panahon nga makahukom ka na sa pagsulod sa kinabuhi nga minyo ipahayag ang imong pagkamatinud-anon ngadto sa lalaki nga gusto nimo aron siya masayod nga gikan mismo sa imong baba. Nagpasabot nga kinahang-lang wala’y itago ug isulti g’yud ang tinuod alang sa pakigdait.
Anne, ayaw usa pagdalidali kay ang pagsulod sa kaminyoon nga kusog pa ang mainitong pagbati usahay makabuni kini sa panghunahuna ug makapabuta sa mga depekto sa umaabot nga kapikas.
Ang pagpaabot dili makadaot nimo, hinuon kini mohatag nimo’g panahon aron imo gayud nga maandam ang tinuod sa diha nga himoon kini nimo nga seryoso ug permanente nga tikang sa kaminyoon. – Tita Salie