May gitago ang kangitngit - Gula 34
Gisukna ni SPO1 Nicko Bernal ang mga ginikanan sa gipatay’ng bata kun may mga tawo ba nga nangita sa ilang anak sa wala pa kini mahanaw.
“Aduna, sir,” misagbat ang asawa. Kalit nga nahalingi si Nicko ngadto sa asawa kay abi niya’g makakuha na siya’g giya nga mailhan ang mga kriminal.
“Wala kami makaila kanila, sir. Tulo sila ka tawo, usa ka babaye ug duha ka lalaki. Nagpaila nga mga tinugyanan sa statistics. Nagpakisayod sila kalabot sa adlaw’ng natawhan sa among anak,” matud sa bana.
“May mga ID ba sila?” sukit ni Nicko.
“Wala. Pero may namatikdan ko nila, sir,” matud sa papa sa gipatay’ng bata.
“Unsa may imong namatikdan kanila?” dason nga pangutana ni Nicko nga mura’g nag-anam na og kaikag.
“Pareho nga may patik nga sungay ang wala nga bahin sa ilang kumagko sa kamot. Basin kadtong babaye gani sir may patik ‘sab,” matud sa bana.
“Kun mao kana, posible nga kadtong mga tawhana mga sakop gayud sa kulto nga Bangkulis Black Brotherhood,” matud ni SPO1 Bernal. “Ginoo ko,” nakatuaw ang asawa. (Sumpayan)
- Latest
