Human mabayri sa batan-ong polis ang drayber sa taksi, misulod dayon sila si Fatima sa kuwarto sa motel. Giagbayan ni Elmer ang dalaga nga sukad pa kaganina walay timik.
Sulod sa kwarto sa motel, mura’g nangurog ang kaunoran ni Fatima kay nasayod na siya kun unsay sunod nga mga panghitabo. “Ngano nga wala ka may timik sukad pa kaganina?” gisukna ni Elmer si Fatima.
“Kuan man gud, kun dili pa lang kay gusto g’yud nako nga makagawas sa prisohan sila si papa ug mama, dili gayud ko mosugot nga makig-uban nimo niining dapita,” pasabot ni Fatima.
Nagduko si Fatima nga mura’g kahilakon. Giagbayan siya ni Elmer ug gipasaligan nga dili makawang ang iyang tinguha. Apan luyo sa kasayuran ni Fatima nga lisud matuman ang iyang tinguha.
Gisugdan dayon ni Elmer ang pagparayeg kang Fatima. Sa sinugdanan, ingon sa gipasagdan ra siya sa dalaga kun unsay iyang himuon. Apan mireklamo si Elmer.
“Kun ingon gani niini ang imong tinagdan nga mura’g kontra-gusto, dili ko maninguha nga makapiyansa ang imong mga ginikanan,” matud ni Elmer.
Napugos si Fatima sa pagpakigtambayayong na lang kang Elmer. Naangkon g’yud sa batan-ong polis ang kaputli ni Fatima. Mihilak ang dalaga.
“Bantay ka bitaw kun dili makapiyansa sila si papa ug mama ha?” matud ni Fatima nga mihatag usab sa P200 mil nga gipangayo sa batan-ong polis.
Mirebansin pa g’yud sila’g usa ka hugna sa ilang pagparayganay. (Sumpayan)