Dear Tita Salie,
Have a wonderful day. Avid reader ko sa Banat News ug dili g’yud nako sipyaton ang pagbasa sa Banat Inbox kay ganahan kaayo ko mobasa sa mga mensahe nga gikan sa Bible.
Anyway, kinahanglan ba g’yud nga atong basahon ang Bibliya? Ganahan lang ko sa imong pagpasabot. Salamat daan, Tita Salie.
* * *
Hello! Maayong adlaw. Kinahanglan gayud nga ang bibliya basahon. Ang Bibliya maoy Balaang kasulatan nga ang awtor niini mao ang atong maglalalang. Kini naandan ug praktikal nga tambag alang sa atong kaayohan, pagdisiplina aron kita makabenepisyo sa atong kinabuhi ug kinamaayohan nga renda diin kita nagkinabuhi niini’ng gubot nga panahon. Mapuslanon usab kini sa pagmatuto ug mga anak nga adunay tinguha nga mukat-on sa matarong nga mga buhat. Nalipay ang Diyos nga basahon kini sa tanang tawo kay kini inspirado sa iyang Balaang Espiritu. Ang rekord sa 2 Timoteo 3:16, 17 nag-ingon, “Ang tibuok kasulatan inspirado sa Diyos ug mapuslanon sa pagpanudlo, sa pagpamadlong, sa pagpanul-id sa mga butang, sa pagdisiplina diha sa pagkamatarong, aron ang tawo sa Diyos mahimo’ng takos gayud, bug-os nga masinangkapan alang sa tanang maayo’ng buhat.” – Tita Salie