Power DJ IndayMisyel,
Kumusta na Inday Misyel? Gusto ko magpatambag nimo, taga adlaw g’yud ko nagabasa og Banat News. Naa koy uyab IndayMisyel, two-months pa lang amo relasyon. Kahibaw ka, gusto siya makig-sex nako pero wala g’yud ko magpadala, alangan bag-o pa gud mi nagkauyab, mobilangkad diay dayun ko? Ug karun gibuwagan ko n’ya hasta g’yud sakita nagbuwag mi sa walay igo nga rason. Nadutlan na unta ko og gugma n’ya pero dili na man siya nako. Gusto ko makig-estorya niya bahin sa among duha. Sukad-sukad wala ko kabantay n’ya nga nag-care sa ako. Inday Misyel, help me please, I need your advice. Gusto nako mag-suicide Inday Misyel. —Jean
Power Jean,
Sakto ka, dili dapat ihatag ang imong lawas sa tawo nga karun pa lang nimo nahinabi ug nailaila. Taas pa kaayo ang latason ug kinahanglang makasal una usa nimo itugyan ang kaugalingon. Busa pagmatngon sa kanunay aron dili matintal sa kahuyang sa atong ispiritual ilabi na nga dali ra ta makabig sa lawasnong panginahanglan. Sa pagtilaw-tilaw sa lawasnon daghan ang naalaot ug naghilak, ang uban maoy sinugdanan sa pagtabla sa kinabuhi.
Sa akong baruganan, dili kadto igong basehan sa inyong panagbulag, hinay ug labaw nang dili husto aron ka maghikog tungod lang niana. Para sa akoa, usa lang ka tinunto ug usik sa panahon ang imong paghatag og bili sa maong lalaki. Biyai ang maong lalaki, gipakita lang niya ang iyang kaugalingong interest sa maong sex diha nimo. Kung buot sabton, dili ka angay maguol, angay kang magmalipayon kay nalayo ka sa maong pagpakasala. Paminaw kamo sa AM STATION, DYKC 675 khz, RPN 9, Lunes hangtud sa Sabado, 10:30 to 12 Midnight, madungog ninyo akong programa… daghan ta panghisgutan. — DJ IndayMisyel, FB; Ramil Ocong Albano 09995894692