“Bisan kinsa na man tingaling lalaki nga makauyab og sama nimo ka guwapa,” ni Edward pa, “magselos gyud kun dunay laing lalaki nga magbirig-birig nimo.”
Flattered ko sa gisulti sa akong boyfriend. In fairness, daghan ang nag-ingon nga susama ko’g panagway ni Angel Locsin. Pero dili kini rason nga mag-away ang mga lalaki tungod nako. Dili ko gustong ingon niining matang sa hitabo.
“Kinahanglang kontrolahon mo ang imong kaugalingon,” gimaymayan ko si Edward. “Salig nga dili ko makahimo pagbudhi sa atong gugma.”
“Dili ko lang kapugngan ang insecurity nga mopatigbabaw sa akong galamhan, nagkanayon si Edward sa sinultihan nga tugob sa kaseryoso.
“Paningkamoti nga mawagtang na kanang imong insecurity.”
“Mawagtang lang tingali kining akong insecurity, Jezebel, kon maseguro ko na gyud nga ako nay makatag-iya kanimo sa hingpit.”
“Unsay buot mong ipasabot?” “Pamatud-i ang imong gisulti nga ako ray makatag-iya nimo.”
“S-sa unsang paagi?”
“Magkita ta sa Baybayon Beach karong Sabado.”
Naghinuktok ko. Akong gihunahuna kun mosanong ba ko sa awhag ni Edward nga magkita mi sa Baybayon Beach Resort inigka Sabado. - Sumpayan pa