Gula 6
Taud-taod sila nga nagtinutokay si Kent ug Lynlyn. “Sugton ba ko nimo Lyn?†gisukna ni Kent ang dalaga nga nasabtan niya nga ingon sa nalukmay sa kaanindot sa ilang situwasyon. Wala dayon makatubag si Lynlyn sa pagsukna kaniya ni Kent. “Sori kaayo ha? Ayaw’g laina pagsabot nga nakapangulitawo ko nimo bisan sa kabag-o pa nato nga nagkaila. Ayaw’g sabta nga mapangahason ra kaayo ko,†ubos kaayo ang tonada sa tingog ni Kent nga nangayo’g pasaylo sa dalaga.
Kadto maoy nagsilbi nga yawe aron motabi na si Lynlyn. Klaro kaayo nga nabalaka ang dalaga nga mobati og kahiubos kaniya ang lalaki nga nagtabang kaniya diha’ng siya naaksidente. “Dili ba lain kaayo nga karon ka pa gani manguyab nako ug sugton dayon nako?†ni Lynlyn pa nga miduko.
Taud-taud, miyangag si Lynlyn kang Kent. “Dili ba nasayod ka man nga aduna ko’y boyfriend nga tua sa gawas?†Mora’g gipahinuktok ni Lynlyn si Kent aron pagsuta kun unsa’y iyang baruganan nga kun iya kini’ng sugton, duha sila sa kasing-kasing sa dalaga. “Alang kanako, wala’y problema kun imo ko nga sugton Lyn kay maayo hinuon aron masuta nimo kinsa gayod kanamo ug sa una mo’ng boyfriend ang angayan mo nga ubanan sa altar sa kaminyoon.â€
Sa katam-is manulti ni Kent mora’g dali ra kaayo niya nga napapitik og paghigugma si Lynlyn kaniya. “Bitaw ‘sab no. Basin magsalig lang tuod ko sa akong boyfriend nga wala na mokontak nako tulo ka buwan na kapin,†matud ni Lynlyn.
Karon nasayran na g’yud ni Kent nga may pagbati ‘sab si Lynlyn kaniya. “Sige na Lyn, sugta na ko,†mapinanggaon na kaayo ang tinutokan ni Kent sa dalaga. “I love you Kent,†ni Lynlyn pa nga migunit sa kamot sa ulitawo.
Kagaksonon na kaayo si Kent kang Lynlyn ilabi na nga nagkaanindot na ang palibot dungan sa hinay-hinay na nga pagpasalipod sa adlaw sa kasadpan. “Puwede ko nga mo-kiss timaan sa akong pagmahal kanimo Lyn?†matud ni Kent.
Apan wala mosugot si Lynlyn. Nasayod siya nga bisan wala sila’y nakita apan sigurado siya nga adunay mga mata nga hilom lang nagpaniid kanila sa hilom. “Please lang Kent, wala’y problema ang pag-kiss apan ayaw lang dinhi kay ma-tsismis ko ana,†ni Lynlyn pa.
Malipayon na kaayo sila’ng duha. Ang ilang gihimo mao ra ang paggunitanay sa ilang mga kamot. Anam-anam nga misikit si Kent paglingkod ni Lynlyn. “Naa na ‘sab ka Kent. Dili lagi pwede nga mag-loving ta dinhi. Tana, mamauli na ta sa balay,†agni sa dalaga kang Kent. Sigurado si Kent nga sa sakyanan dili na gayud makabalibad pa si Lynlyn. (Sumpayan)