Human sa mga tunga sa oras nga kumbati nila sa kama ni Rudy ug Elma, nakabantay si Rudy nga daw naghinuktok si Elma samtang naglingkod sa ngilit sa higdaanan.
“Unsay nahitabo nimo Elm?†gisukna ni Rudy si Elma. Nakasabot si Rudy nga mora og wala mahimutang si Elma nga nalimbongan niya ang iyang bana nga si Lauro.
“Lauman unta nako Rud nga wala’y lain nga masayud niining nahitabo kanato karon kay gawas nga kasilagan ko ni Lauro, panghimarauton g’yud ko sa atong mga silingan kun ilang masayran,†ni Elma nga subo ang sinultihan.
Gipasaligan ug gialam-alaman ni Rudy si Elma aron pagwagtang sa kabalaka nga nasabtan niya nga misugod na pagtuhop sa iyang galamhan.
“Ayaw kabalaka Elm kay kita ra ang masayud niini ug lauman usab nako nga dili kini ang kataposan sa atong panag-uban,†matud ni Rudy. Dali ra nga nakasul-ob pagbalik si Elma sa iyang sapot.
Nananghid na kini nga mobiya na kay nabalaka nga pangitaon na unya siya sa iyang bana nga si Lauro. “Ang ako ra ba nga pananghid nga dili kaayo ko magdugay sa pagbilar. Adto na ko Rud,†panamilit ni Elma ug mipaingon na kini sa pultahan.
Apan gigunitan ni Rudy ang iyang kamot. Sa makausa pa giukoban ni Rudy ang mga ngabil sa dalaga ug usa ka matam-isong halok. “Pagkanindot unta kun uban ka na kanunay kanako Elm,†matud ni Rudy.
Wala motingog si Elma. “Ayaw usa, paabuta ko kay duna ko’y kuhaon sa kwarto,†giingnan ni Rudy si Elma. Pagbalik ni Rudy iyang gitunol kang Elma ang duha ka tibuok tagsa ka libo ka pesos. “Makatabang na kana kanimo para dili ka maproblema sa inyong panggastos Elm,†matud ni Rudy. Pwerteng nakapasalamat ni Elma dungan sa pagdawat sa kwarta.
“Abi nimo Rud, daku g’yud kaayo ang akong pagpasalamat nimo kay kun wala ka pa, magkasiril-siril ko’g pagpanghuwam og kwarta aron kami makakaon kay wala na g’yuy income ang among tindahan,†ni Elma pa.
Nagdali nga mibiya si Elma sa balay nila ni Rudy. Para dili kaayo makita si Elma nga mobiya gikan sa balay, gipawong ni Rudy ang suga sa atubangan sa ilang balay ug ang dan-ag na lang sa suga sa poste sa unahan ang naghatag og kahayag.
Nalantawan ni Rudy nga mipaingon na si Elma sa ilang balay. Nagpanglad-ok sa laway si Rudy nga naghandom sa mabulokong mga yugto nila ni Elma dili pa lang dugay.
Wala igsapayan ni Rudy nga kanunay siyang mohatag og kwarta ni Elma kay bugti niini dili na kini mahasol pa pagpangita’g kwarta nga ilang magasto ug labaw sa tanan dili na kini mobalibad sa iyang mga hangyo. - Sumpayan