Maria Magdalena Gula 96

Milabay ang kapin sa usa ka bulan. Wala pa gayod ako momabdos. Regular pa gihapon ang pagduaw sa binulan nakong bisita. Ang mga gabii nga gibudlay namo ni Daniel sa pagsawo sa lawasnong katagbawan wala gayod magbunga. Wala gayod makatibuok og kinabuhi ang mga binhi nga gitisok ni Daniel sa pagsawo sa lawasnong katagbawan wala gayod ako magbunga. Wala gayod makatibuok og kinabuhi ang mga binhi nga gitisok ni Daniel sa akong sabakan.

“Maayo tingali nga magpahiling kita’g doktor,” nagkanayon si Daniel usa ka higayon niana samtang nagsultihanay mi sa sala sa among balay.

“Nga-ngano man?” Gisukit ko siya.

“Aron atong masayran kun unsay hinungdan nga wala ka man gyud momabdos. Tingali’g dunay usa kanato nga may depekto ug dili makahatag og anak.”

“Ayaw lang una tingali, uy. Maghulat lang unta’g laing usa ka bulan. Basin diay kun wala pa lang gyud ko mataymingi.”

“Dili na kinahanglang lugwayan pa ang pagpaabot. Kinahanglang magpahiling na kita og doktor aron maoy motabang nato.”

Nahitutok ko ni Daniel. Misanting sa akong mga daunggan ang labing ulahi niyang gisulti. Gusto kong klarohon ang kahulogan sa iyang gipamulong. -- Sumpayan pa