Kristo, ang manunubos"

CEBU, Philippines —  Madridejos mibanhaw sa Pasyon ni Jesus

Human nahunong sud sa dul-an duha ka dekada, ang pagdula sa Pasyon nga nagpasundayag sa paghukom, pag-antos ug kamatayon ni Jesus mobalik sa lungsod sa Madridejos didto sa Isla sa Bantayan ning umaabot nga Semana Santa.

Ang dramatikong presentasyon nga nahimong kabahin sa tradisyon sa mga Lawisanon matag kwaresma unang gipahigayon niadtong 1994 diin si anhing Alvan Claude Evangelio maoy direktor ug si Cora Rosales Jayma ang scriptwriter sa nailhan kanhi nga "Kalbaryo".

Mao kini ang rason nganong si Pepe Durano-Bacay, ang direktor sa dalaygong panbanhaw ning mahinungdanong kalihukan, migamit sa orihinal nga konsepto nilang Evangelio ug Rosales Jayma.

Giulohan na karon og "KRISTO, Ang Manunubos", ang paghatag balik og kinabuhi ning Pasyon ni Jesus gipasiugdahan sa Esmermaid Concepts and Coordination diin ang nagtukod niining si Esmeraldo Villaceran Alfon maoy production manager ug head choreographer.

Magsugod kini pinaagi sa "The Trial and Condemnation" sa alas-8 sa gabii sa Miyerkules Santo (Abril 16) ug dayon ang "The Street Drama" sa alas-8 sa buntag ug ang "The Crucifixion" sa alas-8 sa gabii sa Biyernes Santo (Abril 18) didto sa Madridejos Sports and Cultural Center sa Barangay Poblacion.

"We want to strengthen the faith of the Lawisanons via theater arts," padayag pa ni Durano-Bacay, nga mikuha sa mga estudyante ug piniling mga magtutudlo gikan sa Madridejos Central Elementary School, Madridejos National High School, San Agustin National High School ug Salazar College of Sciences and Technology (SCSIT) alang sa ilang mga aktibidades.

"God really provides because this is going to be a grand spectacle, from production to costumes and everything. We want this to be an event to remember for all.