PRO-7 mosuporta sa pagpaubos sa timbang sa mga sakop

CEBU, Philippines — Suportado sa Police Regional Office 7 ang kamanduan ni Philippine National Police Chief, Police General Nicolas Torre III nga nag require sa mga police nga magpaubos sa timbang sulod sa usa ka tuig.

Kung mapakyas ang polis nga makab-ot ang ideal weight hayan maapektahan ang promosyon niini ug posible pang matangtang sa serbisyo base sa mando sa bag-ong PNP Chief.

Sumala pa ni Brigadier General Redrico Maranan, ang rehiyonal nga Director sa PRO7 para usab kini sa kaayohan sa pulis kung himsog ang ilang panglawas.

Dugang pa ni Maranan, kun himsog ug piskay ang panglawa sa polis epektibo nila nga mabuhat ang ilang responsibilidad ilabi na sa pagukod sa mga kriminal.

Gipadayag ni Maranan, determinado siya nga makab-ot gayud ang waistline nga gimando Torre. Ang ideyal nga hawak ug timbang, mag-agad kini sa edad, height  sa usa ka indibidwal basi sa body mass index o BMI.

Aduna silay mga kalihukan ug programa nga ipahigayon nga naglangkob sa paugnat sa kusog ug uban pa para makab-ot kini. IBM BANAT NEWS