Garcia apil sa top performing mayors base sa survey sa RP Mission

CEBU, Philippines — Dakong garbo alang kang Cebu City Mayor Raymond Alvin Garcia ingon man sa mga Sugbuanon nga malakip isip top performing mayor sa Probinsiya sa Sugbo.

Kini uban nila ni Lapu-Lapu City Mayor Junard "Ahong" Chan ug Talisay City Mayor Gerald Anthony "Samsam" Gullas, Jr..

Nasayran nga ang RP Mission and Development Foundation Incorporated nagpahigayon sa labing uwahing independent and non-commissioned survey pinaagi sa “Boses ng Bayan Initiative” niini.

 Matud ni Garcia nga ang survey nagpakita sa pagsalig sa mga Sugbuanon ngadto sa iyang liderato.  "Dako kay’ nang garbo dili lang kay kanako pero sa Siyudad sa Sugbo kay wala gud na mahitabo saunang mga panahon nga lain pa ang mayor unya nagpakita lang sad na nga dako ang pagsalig sa atong mga kaigsuonan sa siyudad sa Sugbo diri sa atong liderato tungod anang survey so this is not only accolade for me but for the entire City of Cebu", ni Garcia pa.

Mas makapadasig matud sa mayor ang survey aron doblehon pa ang paningkamot alang sa kaayohan ug kalamboan sa Siyudad sa Sugbo. BDB BANAT NEWS