Bana wala mouli, kauban diay sa iyang kabit

CEBU, Philippines — Usa ka bana ug ang giingong babaye niini ang gipadakop sa asawa  diha sa giabangan niini nga kwarto sa usa ka apartment sa Lower Guiwanon, Poblacion, Lungsod sa Compostela, Probinsiya sa Sugbo.

Ang 33-anyos nga bana ug 29 anyos nga dalagang giingong iyang kabit gipadakop sa 32- anyos nga ginang. Nasayran ang magtiayon dunay tulo ka mga anak.

Sa impormasyon sa Compostela Police Station alas 5:30 sa buntag kagahapon ang biktima miadto sa estasyon ug nangayo og tabang kay giingong dunay kabit ang bana niini.

Matod pa ang bana ug ang giingong babaye niini nisulod og kwarto sa Lower Guiwanon, Poblacion, Lungsod sa Compostela hinungdan nga niresponde dayon ang kapulisan.

Pag-abot sa mga pulis sa dapit ni-request sila sa tag-iya sa nga ablihan ang kwarto.  Dihang nakabantay matud pa ang mga dinakpan nga dunay polisgiingong dali-dali silang nagsuot sa ilang sinina.

Matud sa hepe sa Compostela Police Station Police Captain Lino Tryss Dacudso Galvan III, nagsugod ang pagduda sa asawa nga dunay babaye ang iyahang bana tungod kay wala na kini mohatag og suporta.

Gipatrabaho matod pa sa asawa iyahang bana sa Negros apan wala makauyon hinungdan nga nibalik sa Compostela apan wala niuli sa ilaha.

"Pagkakita niya nga naa didto iyahang bana, naay kapuyo lain mao to niduol dayon siya sa PNP," ni Galvan pa.  Nasayran sab nga ang giabangang lawak sa dalaga duol ra sa gipuy-an sa asawa.

"Possible anin naa siguro’y nakaila so maistoryahan ning asawa so mao siguro ‘tong point nga gi verify pud sa iyahang asawa didto maong nasakpan ang bana," ni Galvan pa.

Giingong gihimakak sa bana nga duna sila'y relasyon sa babaye. Kasong concubinage ang ipasaka batok sa duha ka mga dinakpan. — /IBM (BANAT NEWS)