PRO-7 mopadala og augmentation sa provintial cug city police offices

CEBU, Philippines — Ang Police Regional Office (PRO)-7 mopadala og augmentation ngadto sa mga provincial ug city police offices isip dugang pwersa nga mobantay sa umaabot nga pag-obserba sa Kalag-Kalag.

Matud ni Police Lieutenant Colonel Gerard Ace Pelare, tigpamaba sa PRO-7 nga sa ilang initial record anaa sa 1,900 personnel ang i-augment.

Kini gilangkuban sa PNP, AFP ug BFP apil ang personal sa Philippine Coast Guard diin ipang apod-apod sila ngadto sa provincial ug city police office aron motabang sa pagbantay sa seguridad sa Kalag-Kalag.

"We also have an augmentation nga gikan sa RMFB but dili sa tanang lugar we have just chosen specific areas nga asa sila mas kinahanglan, nya naa pod ta’y gibutang nga reserve personnel from regional headquarters who will be deployed anytime pag naay mga emergencies", padayag ni Pelare.

Usa ka adlaw sa dili pa ang Kalag-Kalag full alert status na ang PRO-7 ug wala nay tugotan nga PNP personnel nga maka-leave.  Si Police Brigadier General Anthony Aberin, direktor sa PRO-7 ug ang command group niini mohimo og inspection sa city ug provincial police offices aron susihon ang sitwasyon ingon man mga personnel kon nihimo ba kini sa ilang trabaho subay sa mando nga gihatag.

"Our regional director Police Brigadier General Anthony Aberin emphasized that during Kalag-Kalag we will still be continuing our aggressive operation, magpadayon ang atoang pag-conduct og mga anti-drug operations, operations against loose firearms, anti-gambling operations or kining mga pagpanakop nato sa involve sa any form of illegal activities, this will enable to show sa mga would be criminals nato nga our police is very active this will deter them performing this criminal activities", ni Pelare pa.

Bantayan usab sa kapolisan ang mga sam-ang nga gilaomang bisitahon og daghang tawo diin naghimo na sila og inventory kini subay sa mando sa ilang labaw.

Makig-alayon usab ang PRO-7 sa Land Transportation Office ug ubang Local Government Units aron masiguro ang hapsay nga dagan sa trapiko atol sa Kalag-Kalag. BDB BANAT NEWS