Rama nipaila sa mga mokandidato ubos sa iyang Partido

CEBU, Philippines — Gituldokan na ni suspended Cebu City Mayor Michael Rama ang Rama-Garcia tandem atol sa gipahigayon nga tigom sa grupo sa mayor kagahapon diha sa Casino Español sa Dakbayan sa Sugbo.

“That’s the end”, diretsong tubag ni Rama atol sa press conference human nga gipailaila ang mga posibleng kandidato sa partido BARUG - Team Rama.

Sayo pa, nidagan ubos sa partido ni Rama si Acting Cebu City Mayor Raymond Alvin Garcia niadtong piniliay sa tuig 2022.

Gihinganlan na usab ang mga posibleng kandidato sa partido BARUG - Team Rama alang sa 2025 nga lokal nga eleksiyon.

Ang mga posible nga modagan mao sila si Novie Abella, Mae Anne Agipo, Ramon Alcoseba, Karla Henry-Ammann, Gremar Barete, Harry Eran, Ian Hassamal, Rey Lauron, Atty. Melvin Legaspi, Clyde Limpag, Maria Pino, Jessica Resch, Atty. Collin Rosell, Kevin Sanchez ug Atty. Mikel Rama.

Lakip usab sa maong hugpong ang incumbent councilors nga sila si Noel Wenceslao, Philip Zafra, Jocelyn Pesquera ug Francis Esparis.

Dugang sa maong lineup mao sila si Acting Cebu City Vice Mayor Donaldo Hontiveros, Congressman Eduardo Rama, SK Federation President Rhea Jacosalem, kanhi Calape Bohol Mayor Ernest Herrera ug ABC President Franklyn Ong.

Wala mobutyag si Rama kon kinsa ni Ong ug Hontiveros ang modagan isip iyang bise mayor.

Matud pa sa suspendidong mayor nga mahibaw-an lang kini inig file na sa ilang certificate of candidacy karong Oktubre 1 ngadto sa 8, 2024. (BANAT NEWS)