Cultural mapping seminar gihimo sa Dakbayan sa Talisay
CEBU, Philippines — Gihimo sa Dakbayan sa Talisay ang cultural mapping seminar nga gitambungan sa 22 ka barangay aron dili makalimtan sa mga Talisaynon ang ilang kaugalingong kasaysayan aron sab mapasa ngadto sa mosunod nga mga henerasyon sa siyudad.
Kini maoy gibutyag ni Konsehal Lester Daan, chairman sa committee on heritage and historical property.
Matud pa ni Daan nga ang ilang gihimo mao ang usa sa mga paagi nga masubay pagbalik ang gigikanan o history sa 22 ka barangay sa Talisay. Gipasabot sa seminar ang history sa Talisay ingon man ang history sa nagkadaiyang barangay.
Sigon pa niya nga gitudloan ang mga kabarangayan kung unsaon nila sa pagpreserba ang history ug kultura sa siyudad.
Nagkanayon si Daan nga ang ilang gihimo ipaambit kini sa mga bag-ong henerasyon aron dili kini makalimtan sa mosunod nga katuigan. Gihisgutan sab sa tigom ang festival sa kabarangayan. Giila nila ang Barangay Candulawan nga nagsaulog sa ilang “Oway Festival” sud na sa 28 ka tuig.
- Latest
