Mga kahoy gipamutol aron walay matumbahan

CEBU, Philippines — Gipangputol nang daan sa mga sakop sa Aksyon Agad Team ang mga punoan sa kahoy nga kuyaw nga matumba kung moigo ang bati nga panahon.

Si Gary Togonon, pangu sa AAT nibutyag nga niabot na sa pito ka tunghaan ug mga sitio ang ilang girespondehan base sa mga hangyo aron ang mga estraktura dapit sa punoan dili mameligro.

Si Togonon niingon nga gibahin na nila ang ilang sakop sa tulo ka grupo aron matubag ang hangyo sa Talisaynon. Gawas pa niana, subsob ang ilang paglimpyo sa mga kanal para mamenosan ang pagbaha.

Ilang gisiguro ang habig sa Barangay Bulacao ug Tabunok nga mao pirme ang maigo sa pagsaka sa tubig. Nagkanayon si Togonon nga mga plastik nga makabara sa kanal maoy hinungdan sa pagbaha sa dapit.