700 mil ka punoan sa mangga sa Central Visayas ipa-rehab
CEBU, Philippines — Gitinguha karon sa Department of Agriculture-7 nga ipaubos sa pag-rehabilitate ang 700 mil ka punoan sa mangga sa Central Visayas aron mapalambo pa ang industriya niini.
Si Ma. Evelyn Baritua, agriculturist sa DA-7 Ma. Evelyn nibutyag nga anaa pa karon sa 106 mil ka punoan sa mangga ang napaubos sa rehabilitasyon human gisugdan ang programa niadtong tuig 2017.
Gitumong karon ang mango rehabilitation program ngadto sa mga Philippine Carabao nga mangga nga anaa sa 15-anyos pataas kinsa wala na kaayo namunga apan matabang pa kini sa maong programa nga gilainan karon og P7milyones nga pundo sa tuig 2024.
Dako kaayo og potential ang produksiyon sa mangga ug gani numero uno ang Central Visayas niini apan tungod sa nilabay nga bagyong Odette nakaapekto kini sa production sa mangga.
Dugang ni Baritua nga kong maatiman pag-ayo ang mangga mohatag kini og maayong production. (BANAT NEWS)
- Latest
