“Tirador” sa Buhisan gidakop
CEBU, Philippines — Nadakpan sa Labangon Police Station 10 sa Cebu City Police Office(CCPO ang gitumbok nga tirador ug gikahadlukan matod pa diha sa Barangay Buhisan, siyudad sa Sugbo human kini gi-alarma kay nag wild sa Sitio Upper Puti sa maong barangay.
Ang dinakpan mao si Charlie Ebrada Sabejon, 35, residente sa naasoy nga lugar.
Matud ni Police Major Eraño Regidor, hepe sa Labangon Police Station nga nagmaoy niadtong Domingo ang suspek kay nabikil sa iyaha rang igsuon.
Nagpabuto matud pa og armas ang suspek ug gipangtionan sab niini iyahang mga igsuon hinungdan nga nanawag sila og polis.
Sa pagabot sa mga polis, nakasibat na kini ug wala na makita, apan kagahapon sa buntag nakadawat sila og tawag nga nibalik kini sa ilaha ug nag-wild napud.
Sa pag-abot sa kapolisan gikatahong nisuway pa gihapon kini og sukol apan nadisarmahan.
"Tirador, sige’g pabuto sa armas unta namaligya pud og shabu (ang suspect)", ni Major Regidor pa. (BANAT NEWS)
- Latest
