CEBU, Philippines — Gipahibalo ni Cebu City acting Mayor Raymond Alvin Garcia, nga abli lang gihapon ang rubberized track oval sa Cebu City Sports Center bisan ug magsugod na kini pag-ayo.
Ang pagpagamit sa bahin sa track oval bisan kung kini giayo subay gihapon kini sa hangyo sa management board.
Ang sakop sa board sa Cebu City Sports Center nibisita kini sa buhatan ni Garcia human adunay nalakip nga bag-ong sakop sa board og kini sila nanumpa.
Kung mahinumduman una nang gipahibalo ni Garcia nga tak-opan ang CCSC human sa Pasigarbo sa Sugbo karon umaabot nga August 25, 2024 aron kini ipaayo na pagtiwas.
Ang mga mahiligon sa pasingot ang mapasalamaton sa pagbukas sa rubberized track oval human aduna na silay kadagan-daganan ug dapit nga makapahigayon sa ilang paugnat sa kusog.